নিয়মীয়া বাৰ্তা ৪ জুন: ৰঙিয়া আৰক্ষীয়ে শুকুৰবাৰে তুলসীবাৰীৰ হালিকুছীৰ পৰা নকল সোনসহ পাঁচজন প্ৰৱঞ্চকক আটক কৰিবলৈ সক্ষম হয় । ধৃত প্ৰৱঞ্চক কেইজন হৈছে উত্তৰ লখিমপুৰৰ মহখুলিৰ গুলজাৰ হুছেইন , আনছাৰ আলী আৰু হাতেম আলী । বাকী দুজন প্ৰৱঞ্চক হৈছে উত্তৰ প্ৰদেশৰ গাঁজীপুৰৰ অনিল যাদৱ আৰু চন্দন যাদৱ । আৰক্ষীৰ সূত্ৰ অনুসৰি গুলজাৰ হুছেইন, আনছাৰ আলী আৰু হাতেম আলীয়ে তুলসীবাৰীৰ হালিকুছীৰ ঘৰ ভাড়ালৈ আছিল । চন্দন যাদৱ আৰু অনিল যাদৱে নকল সোনখিনি আঢ়ৈ লাখ টকাত কিনিব ওলাইছিল । এনে সময়তে আৰক্ষীয়ে গোপন সূত্ৰৰ পম খেদি আটাইকেইজনক আটক কৰে । প্ৰৱঞ্চক কেইজনৰ পৰা এখন নকল সোনৰ নাওঁ , নগদ আঢ়ৈ লাখ টকা আৰু পাঁচটা মোবাইল ফোন জব্দ কৰে । আৰক্ষীয়ে অধিক তথ্যৰ বাবে প্ৰৱঞ্চক কেইজনক জেৰা অব্যাহত ৰাখিছে ।