নিয়মীয়া বাৰ্তা, ৩১ আগষ্ট: প্ৰজাপিতা ব্ৰহ্মাকুমাৰী ঈশ্বৰীয় বিশ্ববিদ্যালয়ৰ অন্তৰ্গত মৰিয়নি কেন্দ্ৰৰ কাটনীবাৰী চৈকটা গেটৰ সমীপৰ স্থায়ী চৌহদত যোৰহাট লোকসভা সমষ্টিৰ সাংসদ তপন কুমাৰ গগৈৰ সাংসদ পুঁজিৰ অনুদানেৰে নিৰ্মাণ হ’বলগীয়া কমিউনিটী হলৰ আজি আধাৰশিলা স্থাপন কৰা হয় । পুৱা কেন্দ্ৰৰ চৌহদত মাংগলিক অনুষ্ঠানৰ পিছত বন্তি প্ৰজ্বলনেৰে কাৰ্য্যসূচী মুকলি কৰে মৰিয়নিৰ বিধায়ক ৰূপজ্যোতি কুৰ্মীয়ে । আনহাতে, আধাৰশিলা স্থাপন কৰি সাংসদ তপন কুমাৰ গগৈয়ে কয়- ব্ৰহ্মাকুমাৰীসকলে অতি কষ্টেৰে সমাজৰ বাবে বৰঙনি যোগাই আহিছে । সাংসদ গগৈয়ে এইবাৰ কমিউনিটী হলৰ বাবে দুই লাখ টকা আগবঢ়োৱাৰ লগতে পৰৱৰ্তী বৰ্ষসমূহতো অনুদান আগবঢ়াই যাব বুলি ঘোষণা কৰে ।
আনহাতে, বিধায়ক ৰূপজ্যোতি কুৰ্মীয়ে সমষ্টি উন্নয়ন পুঁজিৰ অনুদান আগবঢ়োৱাৰ প্ৰতিশ্ৰুতি প্ৰদান কৰে । শিক্ষক মনোজ কুমাৰ শৰ্মাই আঁত ধৰা অনুষ্ঠানটোত ব্ৰহ্মাকুমাৰীৰ পৰিচয় ডাঙি ধৰি বক্তব্য আগবঢ়াই বি কে গীতিকা শইকীয়াই । আৰম্ভনীতে কেন্দ্ৰটোৰ মুখ্য পৰিচালিকা বি কে চনু বেহেনে অতিথিবৃন্দক আদৰণি জনোৱাৰ লগতে আত্মিক তিলক প্ৰদান কৰে । অনুষ্ঠানটোত কাটনি জিলা পৰিষদৰ সদস্যা প্ৰদীপ দত্ত, অৱসৰপ্ৰাপ্ত শিক্ষয়িত্ৰী ডলী কোঁৱৰ ফুকন, ব্ৰহ্মাকুমাৰী কেন্দ্ৰৰ মনিকা গগৈ, নীলিমা বৰা, তৰুণ শইকীয়া, নিৰু গোহাঁই গগৈ, অষ্টমী ৰবিদাস, স্বপ্নালী গোস্বামী, লীলা চৌধুৰী, প্ৰণৱ দেৱ, ৰাখু দে, বি কে সোমা, বিকে সৰ্বানী, বি কে চন্দ্ৰ কলা, বিকে টুম্পা, বিকে বাসৱী, বিকে সাধনা, বিকে দিলীপ, বিকে ৰূমা, বিকে বিৰাজ, বাদল ঘোষ, প্ৰফুল্ল বৰা, ধ্ৰুৱ শইকীয়া, প্ৰবীন শইকীয়া, অৰুন বেৰিয়া আদি শতাধিক লোক উপস্থিত থাকে ।