নিয়মীয়া বাৰ্তা, ১৯ নৱেম্বৰঃ ভাৰতৰ প্ৰাক্তন প্ৰধানমন্ত্ৰী প্ৰয়াত ইন্দিৰা গান্ধীৰ জন্মজয়ন্তী আজি দিনজোৰা কাৰ্যসূচীৰে পাঠশালাস্থিত বজালী জিলা কংগ্ৰেছৰ কাৰ্যালয় ৰাজীৱ ভৱনত পালন কৰা হয়৷ এই উপলক্ষে বজালী জিলা কংগ্ৰেছৰ সভাপতি গিৰীশ পাটগিৰীৰ সভাপতিত্বত অনুষ্ঠিত সভাত প্ৰয়াত ইন্দিৰা গান্ধীৰ প্ৰতিমূৰ্তিত মাল্যাৰ্পণ কৰি জিলা সভাপতি গিৰীশ পাটগিৰীয়ে প্ৰয়াত নেত্ৰী গৰাকীক শ্ৰদ্ধাৰে সুঁৱৰি বক্তব্য আগবঢ়ায়৷ বজালী জিলা কংগ্ৰেছৰ উদ্যোগত অনুষ্ঠিত কাৰ্যসূচীত অংশগ্ৰহণ কৰে জিলা পৰিষদৰ প্ৰাক্তন সদস্য তথা কংগ্ৰেছ নেতা দিপুল পাটগিৰী, বজালী জিলা যুৱ কংগ্ৰেছৰ সভাপতি আমিনুল শিকদাৰ, এন. এছ. ইউ. আইৰ জিলা সভাপতি ইনজামুল হাচান, বজালী ব্লক কংগ্ৰেছৰ সভাপতি বিকাশ তালুকদাৰৰ লগতে ভৱানীপুৰ ব্লক কংগ্ৰেছৰ সভাপতি ইছমাইল হুছেইনকে ধৰি শতাধিক কংগ্ৰেছ নেতা কৰ্মীয়ে৷
প্ৰেৰকঃ কল্যাণ কলিতা