নিয়মীয়া বাৰ্তা, ৫ জানুৱাৰী: বিজেপি দলৰ বুথ সশক্তিকৰণ অভিযানৰ অংশ স্বৰূপে আজি ধুবুৰী বিধান সভা সমষ্টিৰ ধুবুৰীৰ, ঝগৰাপাৰ আৰু ধৰ্মশালা মণ্ডলৰ এক বিশেষ সাংগঠনিক সভাত উপস্থিত থাকে অসম চৰকাৰৰ শ্ৰম বিভাগৰ মন্ত্ৰী তথা বিজেপি নেতা সঞ্জয় কিষাণ। দলটোৰ ধুবুৰীৰ তেতুলতলাস্থ জিলা কাৰ্য্যালয়ত ২৩ নং ধুবুৰী বিধানসভা সমষ্টিৰ বুথ কাৰ্যকর্তাসকল আৰু শক্তি কেন্দ্ৰৰ আহ্বায়ক সকলৰ উপস্থিতিত অনুষ্ঠিত হোৱা সেই গুৰুত্বপূৰ্ণ সভাখন সম্বোধন কৰে কিষাণে। তেখেতে সমষ্টিটোৰ অন্তৰ্গত সকলো স্তৰৰ কাৰ্যকৰ্তাসকলৰ উপস্থিতিত বুথ সমূহ সাংগঠনিক ভাৱে শক্তিশালী কৰি তুলিবলৈ আগন্তুক দিনৰ কার্যপন্থা , পৰিকল্পনা প্ৰস্তুত, বুথ পৰ্যালোচনা, পুনৰীক্ষণ আৰু বুথ সশক্তিকৰণকে ধৰি সাংগঠনিকগত অইন কেইবাটাও বিষয়লৈও বিশদে ভাৱে আলোচনা কৰে।
অমিতাভ চক্ৰৱৰ্তী, ধুবুৰী