নিয়মীয়া বাৰ্তা, ৮জানুৱাৰী: ৰাষ্ট্ৰীয় স্বয়ংসেৱক সংঘ (আৰএচএচ)ৰ প্ৰান্ত পথ সঞ্চলন দিৱস উপলক্ষে সমগ্ৰ দেশ আৰু ৰাজ্যৰ বিভিন্ন প্ৰান্তৰ ল’গতে আজি ধুবুৰীতো সংগঠনটোৰ উদ্যোগত পথ সঞ্চলন দিৱস পালন কৰা হয়। সেই উপলক্ষে ধুবুৰী চহৰৰটৰ মাজমজিয়াৰ ৰজা প্ৰভাত চন্দ্ৰ বৰুৱা খেলপথাৰত আয়োজিত বিশেষ কাৰ্য্যসূচীত অংশ ল’বলৈ ধুবুৰী জিলাৰ বিভিন্ন প্ৰান্তৰ পৰা সংগঠনটোৰ কাৰ্যকৰ্তা আৰু সদস্যসকল উপস্থিত হয়। উক্ত অনুষ্ঠানত আৰএচএচৰ ধুবুৰী বিভাগৰ বিভাগ কাৰ্যবাহ শতদল কুণ্ডুৱে বৌদ্ধিক প্ৰদান কৰে। দেশ মাতৃকাই সৰ্বদিশৰ পৰাই বিশ্ব গুৰুৰ স্থান পোৱাৰ কামনাৰে অনুষ্ঠিত হোৱা আজিৰ এই পথ সঞ্চালন দিৱসৰ সৈতে সংগতি ৰাখি খেলপথাৰখনৰ পৰা এক সুশৃঙ্খলিত সমদলে চহৰখনৰ ৰাইজৰ মন মুহা দেখা যায়।