নিয়মীয়া বাৰ্তা, ২২ জানুৱাৰী: সকলোৰে এখন চিনাকি মুখ। অসমীয়া বোলছবিজগতৰ লগতে ভ্ৰাম্যমাণৰ মঞ্চত নিজৰ সাৱলিল অভিনয়েৰে দৰ্শকৰ মন জয় কৰা বলিষ্ঠ অভিনেতা প্ৰাণজিত দাসৰ দেহাৱসান। কিছুদিন পূৰ্বে মঞ্চত অভিনয় কৰি থাকোতেই মঞ্চত ঢলি পৰিছিল অভিনেতাজন। ষ্ট্ৰ’কত আক্ৰান্ত হোৱা অভিনেতাজনৰ আজি মেট্ৰ’ হাস্পতালত চিকিৎসাধীন অৱস্থাতে শেষ নিশ্বাস ত্যাগ কৰে।
ইপিনে অভিনেতাজনৰ মৃত্যুত মুখ্যমন্ত্ৰী ড০ হিমন্ত বিশ্ব শৰ্মাই শোক প্ৰকাশ কৰিছে। তেওঁ লিখিছে- “ভ্ৰাম্যমাণ মঞ্চ জগতৰ বলিষ্ঠ অভিনেতা প্ৰাণজিৎ দাসদেৱৰ বিয়োগৰ খবৰটি পাই মৰ্মাহত হৈছোঁ। দীৰ্ঘসময় ধৰি অনন্য অভিনয়ৰে দৰ্শকৰ হৃদয় জিনিবলৈ সক্ষম হোৱা দাসদেৱৰ অভিনয় শৈলী তথা কৰ্মৰাজি স্মৰণীয় হৈ ৰ’ব। তেখেতৰ বিদেহ আত্মাৰ চিৰশান্তি কামনাৰে শোকসন্তপ্ত পৰিয়ালবৰ্গলৈ গভীৰ সমবেদনা জনালোঁ।”