নিয়মীয়া বাৰ্তা ১৮ এপ্ৰিল::-কামৰূপ জিলাৰ বকো বিধানসভা সমষ্টিৰ অন্তৰ্গত ছমৰীয়া সত্ৰৰ ৰামসৰস্বতী খেলপথাৰত অহা ১৯ এপ্ৰিল ২০২৩ ইং বুধবাৰে দিনৰ ২ বজাত অনুষ্ঠি কৰা হব এখনি কুইজ প্ৰতিযোগিতাৰ।ছমৰীয়া আঞ্চলিক ৰঙালী বিহু সন্মিলনীৰ উদ্যোগত আৰু ছমৰীয়া অঞ্চলৰ একমাত্ৰ ইংৰাজী মাধ্যমৰ শিক্ষানুষ্ঠান ৰামসৰস্বতী একাডেমীৰ সহযোগত অনুষ্ঠিত কৰা হব এই প্ৰতিযোগিতাৰ।বিহু,অসম আৰু অসমৰ সংস্কৃতিক বিষয়বস্তু হিচাপে লৈ অনুষ্ঠিত কৰা হব এই কুইজ প্ৰতিযোগিতাৰ।এই প্ৰতিযোগিতা খনি পৰিচালনা কৰিব বাসুদেৱ দাসে।
কুইজ প্ৰতিযোগিতাৰ নিয়মাৱলী সমূহ -প্ৰতিটো দলৰ সৰ্বাধিক সদস্যৰ সংখ্যা ৩ জন হব লাগিব;প্ৰতিযোগিতাখনি ষষ্ঠ শ্ৰেনীৰ পৰা স্নাতক পৰ্যায়ৰ ছাত্ৰ ছাত্ৰীৰ বাবে মুকলি হব;প্ৰতিটো ৰাউণ্ডৰ শেষত উপস্থিত দৰ্শকৰ বাবে থাকিব বিশেষ প্ৰশ্নাৱলী।এই কুইজ প্ৰতিযোগিতাত ইচ্ছুক প্ৰতিযোগিক অংশগ্ৰহন কৰিবলৈ আহ্বান জনাইছে আয়োজক মণ্ডলীয়ে।
প্ৰেৰক- ছমৰীয়া সত্ৰৰ পৰা প্ৰীতম বায়নৰ প্ৰতিবেদন