নিয়মীয়া বাৰ্তা, ২৭ এপ্ৰিলঃ ৰূপহীহাট আৰক্ষীয়ে পূব চাইদৰীয়াৰ পৰা গড়ৰ খড়্গসহ দুই খড়্গ সৰবৰাহকাৰীক কৰায়ত্ত কৰিবলৈ সক্ষম হয় । জানিব পৰা মতে গোপন সূত্ৰৰ পম খেদি নগাঁও অপৰাধ শাখা আৰু ৰূপহীহাট আৰক্ষীৰ যৌথভাৱে অভিযান চলাইছিল। আটকাধীন সৰবৰাহকাৰী কেইটা ক্ৰমে গুনাবাৰীৰ মনিৰুল ইছলাম আৰু পূব চাইদৰৰ ইকবাল হুছেইন। সম্প্ৰতি ৰূপহীহাট আৰক্ষীয়ে অধিক তথ্যৰ বাবে ধৃত সৰবৰাহকাৰী কেইটাক জেৰা অব্যাহত ৰখা বুলি জানিব পৰা গৈছে ।
প্ৰেৰক জহিৰুল ইছলাম