বিশেষ বাৰ্তা, ৮ মেঃ অৰুনাচল প্ৰদেশৰ ডিজিনালাত ভয়ংকৰ পথ দুৰ্ঘটনা ৰঙাপৰাৰ বিশিষ্ট ব্যৱসায়ী ৰাম তপস্যা ঠাকুৰ আৰু গাড়ী চালক বাপন চৰকাৰ নিহত। তাৱাং-বালিপৰা সংযোগী পথৰ পৰা প্ৰায় দুশ ফুট তলত পৰিল এখন i20 বাহন। অৰুনাচল প্ৰদেশৰ ডিৰাঙৰ পৰা ব্যৱসায়িক কাম সামৰি বিগত দুদিন পূৰ্ৱে আহি থকা অৱস্থাত অৰুনাচলৰ ডিজিনালাত সংঘটিত হৈছে এই ভয়ংকৰ পথ দুৰ্ঘটনাটো। বিগত দুদিন ধৰি কোনো শুংসূত্ৰ পোৱা নাছিল দুয়োজন লোকৰে। আজি পথৰ পৰা প্ৰায় দুশ ফুট তলত গাড়ীসহ প্ৰতক্ষ্য কৰে অৰুনাচল আৰক্ষীয়ে । দুয়োটা মৃতদেহ আজি চিনাক্ত কৰি উদ্ধাৰ কৰে অৰুণাচল আৰক্ষীয়ে। বৰ্তমানেও গাড়ীখন উদ্ধাৰ কৰিব পৰা হোৱা নাই।
প্ৰেৰক হিমাংশু শৰ্মা