নিয়মীয়া বাৰ্তা:২২ মে :: আজি ঘোষিত হাইস্কুল শিক্ষান্ত পৰীক্ষাৰ ফলাফলত বালিপৰাৰ সমীপৱৰ্তী খনামুখৰ অগ্ৰণী শিক্ষানুষ্ঠান খনামুখ মডেল একাডেমীৰ ছাত্ৰ-ছাত্ৰীসকল এশ শতাংশ উত্তীৰ্ণ হোৱাত অঞ্চলটোৰ ৰাইজ, শিক্ষক সমাজে সন্তোষ প্ৰকাশ কৰিছে । প্ৰাপ্ত তথ্য মতে , বিদ্যালয়খনৰপৰা এইবেলি হাইস্কুল শিক্ষান্ত পৰীক্ষাত অৱতীৰ্ণ হোৱা সৰ্বমুঠ ৫১ জনকৈ ছাত্ৰ-ছাত্ৰীৰ ৫১ জনেই সুখ্যাতিৰে প্ৰথম আৰু দ্বিতীয় বিভাগত উত্তীৰ্ণ হৈছে । বিদ্যালয়খনৰ ৪৭ গৰাকী ছাত্ৰ-ছাত্ৰীয়ে প্ৰথম বিভাগ আৰু মাত্ৰ ৪ গৰাকী ছাত্ৰ-ছাত্ৰীয়ে দ্বিতীয় বিভাগত উত্তীৰ্ণ হৈ ফলাফল এশ শতাংশ হোৱাত বিদ্যালয়খনৰ অধ্যক্ষ অনিল গৌতমে শিক্ষাৰ্থীসকলক শুভেচ্ছা জ্ঞাপন কৰি ফলাফলত সন্তোষ প্ৰকাশ কৰিছে । বিদ্যালয়খনৰ ছাত্ৰ ৰিটিশ শৰ্মাই ৯৫.৮৫ নম্বৰ লাভ কৰিছে ।