নিয়মীয়া বাৰ্তা, ১৮ অক্টোবৰ : নগৰবেৰাৰ বদলা ৰাংগাপানীত চাঞ্চল্যকৰ ডকাইতি কাণ্ড সংঘটিত হৈছে। মঙলবাৰৰ নিশা প্ৰায় ৯ বজাত সংঘটিত হয় এই চাঞ্চল্যকৰ ডকাইতি কাণ্ড।বজাৰৰ পৰা ঘৰলৈ গৈ থকা অৱস্থাত ৰচিদুল ইছলাম নামৰ বেংক মিত্ৰ এজনক বাট আগুৰি টকাৰ বেগ কাঢ়ি লয় ডকাইতৰ দলে। চিঞৰ বাখৰ কৰাত বাইক এৰি পলায়ন ডকাইতৰ দলটি।বেংক মিত্ৰ ৰচিদুলক চোকা অস্ত্ৰৰে ঘপিয়াই গুৰুতৰ ভাৱে আঘাত কৰে ডকাইতৰ দলে। প্ৰায় ৫ লাখ টকা লুটি নিয়ে ডকাইতৰ দলটিয়ে,দলটিত আছিল তিনিজনকৈ যুৱক। ইফালে দলটিয়ে মানুহ গোট খোৱা যেন পাই নম্বৰবিহীন নতুন বাইক এখন ঘটনাস্থলীত এৰি পলায়ন কৰে। ঘটনাটোক কেন্দ্ৰ কৰি অঞ্চলজুৰি তীব্ৰ চাঞ্চল্য বিয়পে। ইফালে নিশাৰ ভাগতেই স্থানীয় চিকিৎসকে সংকটজনক অৱস্থাত উন্নত চিকিৎসাৰ বাবে জি এম চি লৈ প্ৰেৰণ ৰচিদুল ইছলাম নামৰ যুৱক জনক।
প্ৰেৰক সঞ্জীৱ কুমাৰ দাস