নিয়মীয়া বাৰ্তা, ২০ ফেব্ৰুৱাৰীঃ গুৱাহাটীত যোৱা ১৫ ফেব্রুৱাৰীত অনুষ্ঠিত ফিল্মফেয়াৰ বঁটা প্রদান অনুষ্ঠানক কেন্দ্র কৰি ছ’চিয়েল মিডিয়াত তীব্র সমালোচনাৰ সৃষ্টি হৈছে৷ অভিলেখ ৰচি জয়া আখতাৰ পৰিচালিত ‘গাল্লি বয়ে’ ১৩ টাকৈ ফিল্মফেয়াৰ বঁটা লাভ কৰা কথাটো বহুতেই সহজভাৱে ল’ব পৰা নাই৷
উল্লেখ্য যে ছবিখনে সর্বমুঠ ১৯টা বিভাগত নমিনেচন লাভ কৰিছে৷ বঁটা ঘোষণাৰ পিছৰ পৰাই টুইটাৰত বহু লোকে এই বিষয়টো লৈ প্রতিক্রিয়া প্রকাশ কৰি ‘গাল্লি বয়ে’ ধন দি বঁটা ক্রয় কৰা বুলি আলোচনা চলিছে আৰু ফিল্মফেয়াৰক বয়কট কৰা বুলিও লিখিছে৷