নিয়মীয়া বাৰ্তা, ২৩ ফেব্ৰুৱাৰীঃ বঙাইগাঁও জিলাৰ সৃজনগ্ৰাম ইউনাইটেড হাইস্কুল খেলপথাৰত আই ৰিভাৰ স্প’ৰ্টছ ক্লাবে আয়োজন কৰা সৃজনগ্ৰাম ট্ৰফী টি-১০ ক্ৰিকেট প্ৰতিযোগিতাৰ চূড়ান্ত খেলখনত গোলাপাৰা ক্ৰিকেট ক্লাবে খামাৰপাৰাৰ বিৰুদ্ধে খেলি বিজয়ৰ মুকুট পিন্ধে ।
উল্লেখ্য যে খেলখনত গোলাপাৰাই ৮ উইকেটত খামাৰপাৰাক পৰাজিত কৰি এই খিতাপ নিজৰ দখললৈ আনিবলৈ সক্ষম হয় । প্ৰতিযোগিতাৰ মেন্ অৱ্ দ্যা চিৰিজৰ সন্মান খামাৰপাৰাৰ ইলিয়াছ আলীয়ে লাভ কৰাৰ বিপৰীতে মেন অৱ্ দ্যা মেচৰ খিতাপ অৰ্জন কৰে গোলাপাৰাৰ আলী হুছেইনে ।
ইপিনে, বঁটা প্ৰদান অনুষ্ঠানত শিক্ষক তথা বিশিষ্ট সমাজকৰ্মী অতুল চন্দ্ৰ দেৱ ৰায়, সৃজনগ্ৰাম গাঁও পঞ্চায়তৰ সভাপতি ৰমজান আলীকে ধৰি কেইবাগৰাকীও বিশিষ্ট ব্যক্তি উপস্থিত থাকে ।