বিশেষ বার্তা, ২০ জানুৱাৰী : বিজেপিৰ ৰাষ্ট্ৰীয় সমিতিৰ নিৰ্দেশমৰ্ম্মে সমগ্ৰ প্ৰদেশত প্ৰতিটো বুথ পৰ্য্যায়ত অনুষ্ঠিত হ’বলগীয়া দেৱাল অংকন কাৰ্যসূচীৰ অনুষ্ঠানিকভাৱে শুভাৰম্ভ কৰা হয়। দলীয় কাৰ্যকৰ্তাৰ দ্বাৰা ৰূপায়ণ কৰা এই “দেৱাল অংকন কাৰ্যসূচী”ৰ অন্যতম অংশ হিচাপে বিশ্বনাথ মণ্ডলৰ অন্তৰ্গত ১৬৯নং বুথত অৱস্থিত ভা:জ:পা: বিশ্বনাথ জিলা কাৰ্যালয়ত জিলা সভাপতি দিগন্ত ঘাটোৱাৰে শুভাৰম্ভ কৰে। উক্ত কাৰ্যসূচীত বিশ্বনাথ জিলাৰ উপ-সভাপতি সুজিত ভূমিজ , সাধাৰণ সম্পাদক ৰাতুল নাথ, জিলা চাহ জনগোষ্ঠী মৰ্চাৰ সভাপতি লাচিত পাটৰ, মহিলা মৰ্চাৰ সভানেত্ৰী ভাৰতী দেৱী ভূঞা, জিলা সামাজিক মাধ্যমৰ আহ্বায়ক ঈশান প্ৰতিম শইকীয়া, জিলা তথ্য আৰু প্ৰযুক্তিবিদ্যা আহ্বায়ক সীমান্ত ডেকা প্ৰমুখ্যে সন্মানীয় মণ্ডল সভাপতি সকল আৰু দলীয় কাৰ্যকৰ্তাসকল উপস্থিত থাকে।
প্ৰেৰক অমিতাভ বৰুৱা