নিয়মীয়া বাৰ্তা ডিজিটেল, ২৯ অক্টোবৰঃ ভাৰত আৰু অষ্ট্ৰেলিয়াৰ মাজত অনুষ্ঠিত হ’ব পাঁচখন টেষ্ট মেচৰ বৰ্ডাৰ-গাভাস্কাৰ ট্ৰফী ২০২৪-২৫। অষ্ট্ৰেলিয়াৰ মাটিত অনুষ্ঠিত হ’বলগীয়া এই ট্ৰফী ২২ নৱেম্বৰৰ পৰা আৰম্ভ হ’ব। এই শৃংখলাৰ পূৰ্বে অষ্ট্ৰেলিয়াৰ তাৰকা উইকেটকীপাৰ বেটছমেন মেথিউ ৱেডে আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ কথা ঘোষণা কৰিছিল। সেই একেজন মেথিউ ৱেডে ২০২১ চনৰ টি-২০ বিশ্বকাপত শ্বাহীন শ্বাহ আফ্ৰিদিৰ ওপৰত ছয় মাৰি অষ্ট্ৰেলিয়াক ছেমিফাইনেলত জয়ী কৰাইছিল। যোৱা তিনি বছৰ ধৰি অষ্ট্ৰেলিয়াৰ টেষ্ট আৰু এদিনীয়া দলত স্থান লাভ কৰিব পৰা নাছিল ৱেডে। শেষবাৰৰ বাবে ২০২১ চনত অষ্ট্ৰেলিয়াৰ হৈ টেষ্ট আৰু এদিনীয়া খেলিছিল। যদিও ৱেডে টি-২০ত সুযোগ পাইছিল। ২০২৪ চনৰ টি-২০ বিশ্বকাপতো অষ্ট্ৰেলিয়া দলৰ অংশ আছিল ৱেড। টি-২০ বিশ্বকাপৰ অন্তিমখন মেচ ভাৰতৰ বিৰুদ্ধে খেলিছিল, যিখন খেল তেওঁৰ আন্তঃৰাষ্ট্ৰীয় কেৰিয়াৰৰ অন্তিমখন মেচ বুলি প্ৰমাণিত হৈছিল। আন্তৰ্জাতিক ক্ৰিকেটৰ পৰা বিদায় দিয়া ৱেডে ঘৰুৱা বগা আৰু বিদেশী ক্ৰিকেট বগা বল খেলি থাকিব বুলি কওঁ। ইয়াৰ উপৰি তেওঁক প্ৰশিক্ষক হিচাপেও দেখা যাব। অহা মাহত পাকিস্তানৰ বিৰুদ্ধে অনুষ্ঠিত হ’বলগীয়া টি-২০ শৃংখলাত তেওঁক অষ্ট্ৰেলিয়াৰ কিপিং আৰু ফিল্ডিং প্ৰশিক্ষক হিচাপে দেখা যাব। ইয়াৰ পূৰ্বে মাৰ্চ মাহত শ্বেফিল্ড শ্বিল্ডৰ ফাইনেল খেলাৰ পিছত ৱেডে প্ৰথম শ্ৰেণীৰ ৰেড বল ফৰ্মেটৰ পৰা অৱসৰ লোৱাৰ কথা ঘোষণা কৰিছিল। এতিয়া প্ৰায় ৮ মাহৰ পিছত ৱেডে আন্তঃৰাষ্ট্ৰীয় ক্ৰিকেটৰ পৰা বিদায় ল’লে। অষ্ট্ৰেলিয়াৰ হৈ মেথিউ ৱেডে ৩৬খন টেষ্ট, ৯৭খন এদিনীয়া আৰু ৯২খন টি-২০ আন্তঃৰাষ্ট্ৰীয় মেচ খেলিছিল। টেষ্টৰ ৬৩ ইনিংছত তেওঁ ২৯.৮৭ গড়ে ১৬১৩ ৰান সংগ্ৰহ কৰে, য’ত ৪টা শতক আৰু ৫টা অৰ্ধশতক অন্তৰ্ভুক্ত কৰা হয়। ইয়াৰ উপৰি ৱেডে এদিনীয়াত ১,৮৬৭ ৰান আৰু টি-২০ ইণ্টাৰনেশ্যনেলত ১,২০২ ৰান সংগ্ৰহ কৰি গড়ে ২৬.১৩ আৰু ষ্ট্ৰাইক ৰেট ১৩৪.১৫ ৰান সংগ্ৰহ কৰে। এদিনীয়াত ৱেডে ১ শতক আৰু ১১টা অৰ্ধশতক আৰু টি-২০ ইণ্টাৰনেশ্যনেলত ৩টা অৰ্ধশতক অৰ্জন কৰে।