বিদ্যালয়ৰ ছাদ খহি ভয়ংকৰ ঘটনা! ঝালাৱাডত ৪ শিশুৰ কৰুণ মৃত্যু

ভয়ংকৰ ঘটনা : ৰাজস্থানৰ ঝালাৱাড জিলাত আজি পুৱা এটা ডাঙৰ দুৰ্ঘটনা সংঘটিত হয়, যত মনোহৰথানা ব্লকত অৱস্থিত পিপলোদি গাঁৱৰ ৰাজকীয় উচ্চ প্ৰাথমিক বিদ্যালয়ৰ ছাদৰ এটা অংশ খহি পৰে আৰু তাৰ পাছতে দেৱালো খহি পৰে। এই ভয়ংকৰ দুৰ্ঘটনাত বৰ্তমানলৈকে ৪জন শিশুৰ মৃত্যু হোৱা বুলি জানিব পৰা গৈছে, আৰু বহু শিশু ধ্বংসাবশেষৰ তলত থকাৰ আশংকা প্ৰকাশ কৰা হৈছে।

ঘটনাটোৰ পাছতেই অঞ্চলটোত ব্যাপক আতংক সৃষ্টি হয় আৰু উদ্ধাৰ কাৰ্য যুদ্ধস্তৰত চলি আছে। শিক্ষামন্ত্ৰী মদন দিলাৱাৰে এই দুৰ্ঘটনাত ৩জন শিশুৰ মৃত্যুৰ নিশ্চিতি দাঙি ধৰিছে। তেওঁ জিলা আয়ুক্তৰ সৈতে ফোনত যোগাযোগ কৰি উদ্ধাৰ আৰু সাহায্য কাৰ্য তীব্ৰ কৰাৰ লগতে আহত শিশুসমূহৰ চিকিৎসাৰ বাবে যথোপযুক্ত ব্যৱস্থা গ্ৰহণৰ নিৰ্দেশ দিছে।

ঝালাৱাডৰ এছ.পি.য়ে জনাইছে যে বিদ্যালয়ৰ ছাদ খহি পৰাৰ ফলত ৩-৪জন শিশুৰ মৃত্যু হৈছে আৰু বহু শিশু আঘাতপ্ৰাপ্ত হৈছে। ঘটনাৰ খবৰ পোৱাৰ লগে লগে ঝালাৱাডৰ জিলা আয়ুক্ত আৰু এছ.পি. ঘটনাস্থললৈ ৰাওনা হৈছে।

উদ্ধাৰ কাৰ্যত জিলা প্ৰশাসন আৰু স্থানীয় ৰাইজো আগবাঢ়ি আহিছে। বৰ্তমান JCB মেচিনৰ সহায়ত ধ্বংসস্তূপ পৰিষ্কাৰ কৰা হৈছে। লগতে আহত শিশুসমূহক মনোহৰথানাৰ কমিউনিটি হেল্থ চেন্টাৰলৈ (CHC) লৈ যোৱা হৈছে। তাত উপস্থিত স্থানীয় ৰাইজেো উদ্ধাৰ কাৰ্যত সহায় আগবঢ়াই আছে।

Niyomiya Barta Desk, 25 July, 2025