নিয়মীয়া বাৰ্তা, ৩১ মাৰ্চঃ অসম আৰোগ্য নিধিলৈ অসম কৃষি বিশ্ব বিদ্যালয় কৰ্তৃপক্ষই ৫২.৫০ লাখ টকাৰ আৰ্থিক সাহাৰ্য আগবঢ়াইছে । বিশ্ববিদ্যালয়খনৰ ভাৰপ্ৰাপ্ত উপাচাৰ্য ড০ অশোক ভট্টাচাৰ্যই জনোৱা মতে বিশ্ববিদ্যালয় পৰিয়ালৰ শিক্ষক আৰু কৰ্মচাৰীৰ এদিনৰ দৰমহা বৰঙণি হিচাপে আগবঢ়োৱা হৈছে ।
বিশ্ববিদ্যালয়খনৰ কৰ্তৃপক্ষই এক বিবৃতিযোগে জানিবলৈ দিয়া মতে, বিশ্ববিদ্যালয়খনৰ সমূহ ছাত্ৰাৱাস ছেনিটাইজ কৰাৰ লগতে বিশ্ববিদ্যালয়খনৰ কাষৰীয়া অঞ্চলসমূহত ছেনিটাইজ কৰি থকা হৈছে ।
ইয়াৰোপৰি ক’ৰোনাৰ বিৰুদ্ধে যুঁজৰ বাবে অসম কৃষি বিশ্ববিদ্যালয়ে তিনিটা আৱাসিক হোষ্টেল জৰুৰী চিকিৎসাত ব্যৱহাৰৰ বাবে জিলা প্ৰশাসনলৈ আগবঢ়াইছে ।