ডনবস্ক’ স্কুলৰ ছাত্রী ভূমিকা চৌধুৰীৰ সফলতা

পাণবজাৰৰ ডনবস্ক’ স্কুলৰ একাদশ শ্রেণীৰ ছাত্রী ভূমিকা চৌধুৰীক কলাশ্রী সন্মান প্রদান কৰা হয়৷ নতুন দিল্লীৰ পঞ্চনীল আশ্রমৰ বিশাল মঞ্চত ভাৰতীয় দলিত সাহিত্য অকাডেমিৰ ৪১সংখ্যক ৰাষ্ট্রীয় অধিৱেশনত প্রদান কৰা হয় এই সন্মান৷

এই অনুষ্ঠানত ভূমিকা চৌধুৰীয়ে প্রদর্শন কৰা নৃত্যই মন্ত্রমুগ্ধ কৰে দেশ–বিদেশৰ সমৱেত জনতাক৷ পঢ়াৰ লগতে শৈশৱৰ পৰা নৃত্যতো পার্গত ভূমিকা চৌধুৰীৰ এই সফলতাই উৎফুল্লিত কৰিছে পৰিয়ালৰ লগতে ডনবস্ক’স্কুলৰ ছাত্র–ছাত্রীক৷

আনহাতে একেটা অনুষ্ঠানতে শুৱালকুছিৰ নীলমণি বৈশ্যকো পাট–মুগাৰ কাপোৰৰ বিভিন্ন ডিজাইন প্রস্তুত কৰাৰ বাবে প্রদান কৰা হয় কলাশ্রী সন্মান৷

মহানগৰ বিশেষ বার্তা, ২০ ডিচেম্বৰ