ৰাজপথ মেৰামতিৰ নামত পালমৰাবিধৰ কাম কৰাৰ অভিযোগ। পকীকৰণৰ দুদিন পাছতে বখলা বখলে হাতেৰে এৰুৱাব পাৰি ব্লেকটপিং। সেয়ে ৰাইজে বন্ধ কৰি দিলে কাম |
বকো ছয়গাওঁ সমজিলাৰ অন্তৰ্গত নগৰবেৰাৰ পথালিপাৰা পলাহৰটাৰীৰ পথ মেৰামতিত ব্যাপক অনিয়মৰ অভিযোগ উত্থাপন হৈছে | নিম্নমানৰ কাম প্ৰতিপন্ন কৰিবলৈ হাতৰ আঙুলিৰে একাংশই এৰুৱালে পথৰ ব্লেকটপিং | কাষত বিভাগীয় কাকো নাপাই ক্ষোভিত হৈ পৰিছে সচেতন ৰাইজ |
সেয়ে যেতিয়ালৈকে বিভাগীয় বিষয়াই কামৰ তদাৰক কৰি ৰাইজক সৈমান নকৰে তেতিয়ালৈকে ৰাইজে বন্ধ কৰি দিয়ে পথটিৰ মেৰামতিৰ কাম | অভিযোগ মতে, নিৰ্মাণকাৰী সংস্থাই অতি নিম্নমানৰ সামগ্ৰীৰে কৰি গৈছে পালমৰাবিধৰ মেৰামতি | প্ৰশ্ন হয়- ৰাইজৰ দাবীক গুৰুত্ব দি সংশ্লিষ্ট লোকনিৰ্মাণ বিভাগে তদাৰক কৰিবনে উক্ত পথৰ মেৰামতিৰ কাম ?
নিয়মীয়া বাৰ্তা, নগৰবেৰা, ২৪ জানুৱাৰী :