নিয়মীয়া বাৰ্তা, ১২ এপ্ৰিলঃ লক ডাউনৰ ফলত সকলো বন্ধ হৈ পৰাত কৰ্মসংস্থাপন হেৰুওৱা দিন হাজিৰা কৰি জীবন নিৰ্বাহ কৰি জীৱিকা নিৰ্বাহ কৰা সকল যাতে খাদ্য সামগ্রীৰ সংকটৰ সন্মুখীন হবলগীয়া নহয় তাৰ বাবে পৰিয়াল বোৰক সহায় কৰিবলৈ চৰকাৰৰ লগতে ৰাজ্যৰ বহু সামাজিক সংগঠন তথা অনুষ্ঠান প্ৰতিষ্ঠান আগবাঢ়ি অহা পৰিলক্ষিত হয় । আজি এগৰাকী দিব্যাংগ শিল্পীক এটা মাহৰ খাদ্যসামগ্ৰী যোগান ধৰি বেজেৰাৰ এগৰাকী ব্যক্তিয়ে দিলে মহানুভবতাৰ পৰিচয় । দৰং জিলাৰ ছিপাঝাৰৰ দিব্যাংগ শিল্পী নিধন শৰ্মাক বেজেৰাৰ ৰমণী মোহন ডেকাই নিজাববীয়াকৈ গাড়ী ভাড়া কৰি আনি আজি বেজেৰাত তেওঁক এমাহৰ খাদ্য সামগ্রী দিয়ে । শিল্পী গৰাকীক অসম সচিবালয়ৰ এ চি এছ বিষয়া দেবজ্যোতি দত্তৰ দ্বাৰা সামগ্রী সমূহ প্ৰদান কৰে । এই গৰাকী দিব্যাংগ শিল্পীক প্ৰদান কৰি পৰিয়ালটিক সহায় কৰাৰ বাবে ৰমণী মোহন ডেকাক সকলোৱে প্ৰশংসা কৰে ।