নিয়মীয়া বাৰ্তা, ১৪ এপ্ৰিলঃ ‘ক’ভিড-১৯ ৰ বিৰুদ্ধে হোৱা এই যুঁজখনত আমি জয়ী হ’ম । সমগ্ৰ দেশবাসীয়ে প্ৰধানমন্ত্ৰী নৰেন্দ্ৰ মোদীৰ নেতৃত্বত অব্যাহত ৰাখিছে ক’ৰোনা বিৰোধী এই যুঁজ ।’ মঙলবাৰে সংবাদমাধ্যমক সম্বোধন কৰি এইদৰে কয় মুখ্যমন্ত্ৰী সৰ্বানন্দ সোণোৱালে ।
প্ৰধানমন্ত্ৰী নৰেন্দ্ৰ মোদীৰ সৱল নেতৃত্বত দেশে ক’ৰোনা মহামাৰী প্ৰতিৰোধ কৰিব পাৰিব বুলিও উল্লেখ কৰে সোণোৱালে । অসমৰ ৩ কোটি ৩০ লক্ষ জনতাৰ হৈ প্ৰধানমন্ত্ৰী নৰেন্দ্ৰ মোদীক সময়োপযোগী সিদ্ধান্তৰ বাবেও ধন্যবাদ জ্ঞাপন কৰে সৰ্বানন্দ সোণোৱালে ।
ইফালে, ক’ভিড-১৯ বিৰোধী যুঁজখনত সমুখৰ পৰা নেতৃত্ব দিয়া চিকিৎসক , নাৰ্ছ আৰু স্বাস্থ্যকৰ্মীৰ লগতে সাধাৰণলোকক সজাগ কৰা ক্ষেত্ৰত গুৰুত্বপূৰ্ণ ভূমিকা লোৱা সংবাদমাধ্যমৰ লোকসকলকো ধন্যবাদ জ্ঞাপন কৰে মুখ্যমন্ত্ৰীয়ে ।