নিয়মীয়া বাৰ্তা, ১৫ এপ্ৰিলঃ লকডাউন চলি থকাৰ সময়তে জুৰীয়া বজাৰত এটা সপ্তাহৰ ভিতৰতে দ্বিতীয়টো ভয়ংকৰ অগ্নিকাণ্ড । পুৱতি নিশা ৫০ মিটাৰ ব্যৱধানত দুঠাইত সংঘটিত হোৱা অগ্নিকাণ্ডত ভষ্মীভূত সাতখনকৈ দোকান ৷ জুইত জাহ যায় প্ৰায় ২৫ লক্ষাধিক টকাৰ সম্পত্তি । কোনো দুৰ্বৃত্তই জুই লগোৱাৰ সন্দেহ স্থানীয় একাংশ ৰাইজৰ ৷ হোটেল, ফাৰ্নিচাৰৰ দোকান, বিস্কুটৰ দোকান, গেলামালৰ দোকান,কাপোৰৰ দোকানৰ লগতে কেইবাটও ব্যৱসায়িক প্ৰতিষ্ঠান চকুৰ সন্মুখতে সম্পূর্ণৰূপে জাহ যায় । সৌভাগ্যক্ৰমে কাষতে থকা কেৰচিন তেলৰ ডিপু জুইৰ পৰা ৰক্ষা পৰে ৷ অগ্নিনির্বাপক বাহিনীৰ দুখনকৈ গাড়ীয়ে জুৰীয়া আৰক্ষীৰ সহযোগত নিয়ন্ত্ৰণ কৰে জুই ৷ লক ডাউনৰ সময়ত এনেদৰে বজাৰত জুই লগা ঘটনাই সৃষ্টি কৰিছে ৰহস্যৰ ।