নিয়মীয়া বাৰ্তা, ২৯ এপ্ৰিলঃ কামৰূপ জিলাৰ বাইহাটা চাৰিআলি আৰক্ষী থানাৰ অন্তৰ্গত বেজেৰাত আজি এক পথ দুৰ্ঘটনাত তিনিজন যুৱক গুৰুত্বভাৱে আহত হয়। প্ৰাপ্ত বাতৰি অনুসৰি আজি ৮.৩৭ বজাত বেজেৰা শংকৰদেৱ জাতীয় বিদ্যালয় সন্মুখৰ ১৫ নং ৰাষ্ট্ৰীয় পথত দুখন মটৰ চাইকেলৰ মুখামুখি সংঘর্ষৰ ফলতে এই দুৰ্ঘটনাটো সংঘটিত হয় ।
পাছত তিনিগৰাকী যুৱককে ততাতৈয়াকৈ ১০৮ সেৱাৰ বেজেৰা সামূহিক স্বাস্থ্য কেন্দ্রলৈ নিয়া হয়। আহত যুৱক কেইজন বেজেৰাৰ সমীপৰ দুমুনিচকীৰ বাথান গাঁৱৰ হীৰক জ্যোতি দাস, হৰজ্যোতি বড়া আৰু বেজেৰাৰ ৰিজু মনি চহৰীয়া বুলি জানিব পৰা গৈছে।