নিয়মীয়া বাৰ্তা, ৩ মে’ : প্ৰকৃতিৰ নিৰ্জনতাত খাদ্যৰ সন্ধানত আহি এটি হৰিণা পহু আজি মৃত্যুৰ মুখত পৰা ঘটনাই বৰহোলাৰ টিপমীয়া গাঁৱত কৰুণ পৰিবেশ সৃষ্টি কৰিছে।
প্ৰাপ্ত তথ্য অনুসৰি, আজি পুৱা পাহাৰৰ নামনিৰ পৰা খাদ্যৰ সন্ধানত ওলাই আহি বৰহোলাৰ টিপমীয়া গাঁৱত প্ৰবেশ কৰিছিল হৰিণটি। কিন্তু দুৰ্ভাগ্য কথা যে হৰিণটোক দেখি এদল ঘৰচীয়া কুকুৰে খেদি নিয়াত এজন শিক্ষকৰ বাৰীৰ জেওৰাত লাগি থিতাতে মৃত্যু হয়।
শিক্ষক গৰাকীয়ে লগে লগে মাধপুৰ আৰক্ষী চকীত অৱগত কৰাত আৰক্ষীয়ে আহি মৃত্যু হোৱা অৱস্থাত হৰিণটোক উদ্ধাৰ কৰে ।