গৰৈমাৰীত আৰক্ষীয়ে আটক কৰিলে ধৰ্ষণকাৰীক

নিয়মীয়া বাৰ্তা, ১২ মেঃ দক্ষিণ কামৰূপৰ ছয়গাঁও আৰক্ষীৰ জালত পৰিল  লম্পত ধৰ্ষণকাৰী ৷ জানিব পৰা মতে, কিছুদিন পূৰ্বে কিশোৰীক ধৰ্ষণ কৰি পলাই আছিল গৰৈমাৰী কৰাইবিলৰ নিজামুদ্দিন আলী নামৰ ধৰ্ষণকাৰীজন ৷
উল্লেখ্য যে কিছুদিন পূৰ্বে একে গাঁৱৰে এগৰাকী কিশোৰীক ধৰ্ষণ কৰি পলাই আছিল নিজামুদ্দিন নামৰ লোকজন ৷ অৱশেষত যোৱা নিশা ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া কপিল পাঠকৰ নেতৃত্বত এটি আৰক্ষীৰ দলে অনুসন্ধান চলাই গাঁওখনৰ এঘৰ পৰিয়ালত লুকাই থকা অৱস্থাত গ্ৰেপ্তাৰ কৰে আৰক্ষীয়ে লম্পত ধৰ্ষণকাৰী নিজামুদ্দিনক ৷ ঘটনা সন্দৰ্ভত ছয়গাঁও আৰক্ষী থানাত ৪৬৪/২০ নম্বৰৰ ৩৭৫(৩) /পক্স ৪ ধাৰাত এটি গোচৰ ৰুজু কৰি নিজামুদ্দিনক জেল হাজোতলৈ প্ৰেৰণ কৰে ৷