নিয়মীয়া বাৰ্তা, ১৩ মেঃ আজি বিয়লি প্ৰায় ৫বজাত গুৱাহাটী পাবহি দিল্লী-গুৱাহাটী অভিমুখী ৰে’লখন। গুৱাহাটীৰ পল্টনবজাৰ ষ্টেচনত নামিব প্ৰায় ৩৭জন যাত্ৰী। আনহাতে আহিবলগীয়া লোকসকলক যাতে পৰিয়ালৰ কোনো লোকে নিজৰ বাহনত নিবলৈ নাহে তাৰবাবে অনুৰোধ জনাইছে প্ৰশাসনে।
ৰে’লখন ৰখাবলগীয়া ৫টা ষ্টেচনত থাকিব চৰকাৰী বাহন আৰু তাৰ পৰাই লৈ যোৱা হ’ব স্বাস্থ্য শিবিৰলৈ। স্ক্ৰিনিং কৰাৰ পাছতে নিজৰ নিজৰ জিলাতেই কোৱাৰেণ্টাইন কৰা হ’ব লোকসকলক। ইতিমধ্যে সম্পূৰ্ণ প্ৰস্তুত জিলা প্ৰশাসন।