নিয়মীয়া বাৰ্তা, ১৭ মেঃ বিশ্বৰ ভিতৰত বাংলাদেশেই হ’ল এনেকুৱা এখন ঠাই, য’ত টীম ইণ্ডিয়াই সমর্থন লাভ নকৰে৷ এই মন্তব্য কৰিছে ভাৰতীয় ক্রিকেট দলটোৰ বিস্ফোৰক অ’পেনাৰ ৰোহিত শর্মাই৷
বাংলাদেশ ক্রিকেট দলটোৰ অ’পেনাৰ তামিম ইকবালৰে ফেচবুক লাইভ চাটত হোৱা এক বার্তালাপত হিটমেন ৰোহিত শর্মাই কয় যে ভাৰতৰ লগতে বাংলাদেশতো ক্রিকেট অনুৰাগী অসংখ্য৷ আমি দুয়োটা দলে কিবা ভুল কৰিলে দুয়োখন দেশৰ অনুৰাগীসকলে সকলোপিনৰ পৰা সমালোচনা কৰে৷ কিন্তু যেতিয়া আমি বাংলাদেশত দুয়োটা দলে পৰস্পৰৰ মুখামুখি হওঁ তেতিয়া বাংলাদেশৰ কোনো এজন অনুৰাগীয়ে ভাৰতীয় দলটোক সমর্থন নকৰে বুলি টীম ইণ্ডিয়াৰ অ’পেনাৰগৰাকীয়ে মন্তব্য কৰে৷