নিয়মীয়া বাৰ্তা, ২০ মেঃ : ক’ৰোনা ভাইৰাছ প্ৰতিৰোধৰ বাবে দেশত চলি আছে চতুৰ্থ পৰ্যায়ৰ লকডাউন । এই লকডাউনৰ সময়চোৱাত দেশৰ সৰহ সংখ্যাক জনসাধাৰণ খাদ্য সংকট তথা অৰ্থ সংকটত পৰিছে । এই লকডাউনৰ সময়চোৱাত দক্ষিণ কামৰূপৰ ছয়গাওঁ আঞ্চলিক ছাত্ৰ সন্থাৰ উদ্যোগত আৰু পূব ছমৰীয়া ও গৰৈমাৰী শাখা ছাত্ৰ সন্থাৰ সহযোগত আজি গৰৈমাৰী অঞ্চলত ঈদ উল ফিটাৰ উপলক্ষে দুখীয়া মহিলাৰ মাজত বস্ত্ৰ বিতৰণ কৰে । উক্ত কাৰ্যসূচীত উপস্থিত থাকে ছয়গাওঁ আঞ্চলিক ছাত্ৰ সন্থাৰ সাধাৰণ সম্পাদক শচীন দাস, সামাজিক প্ৰগতি সংঘৰ সভাপতি চাইফুল ইছলাম, ছয়গাওঁ আঞ্চলিক ছাত্ৰ সন্থাৰ উপদেষ্টা অজ্জিজুৰ ৰহমান চৌধুৰী, ধ্ৰুৱ তালুকদাৰ, গৰৈ মাৰী শাখা ছাত্ৰ সন্থাৰ সভাপতি সম্পাদক ক্ৰমে ৰফিকুল ইছলাম, পুলক কলিতা সহ কৰ্মকৰ্তা জহুৰুল হক, আবু আছিক ছিদ্দিক , মহিদুল ইছলাম, চাইফুল ইছলাম,আশ্বাক চৌধুৰী , আব্দুৰ ৰহমান । তেওঁলোকৰ এই মহানুভৱতাক অঞ্চলবাসীয়ে ভূয়সী প্ৰশংসা কৰিছে ।