নিয়মীয়া বাৰ্তা, ২৩ মেঃ টীম ইণ্ডিয়াৰ সীমিত অভাৰ দলৰ সহঃ অধিনায়ক ৰোহিত শর্মাৰ নেতৃত্বশৈলী মহেন্দ্র সিং ধোনীৰ সৈতে যথেষ্টখিনি মিল আছে৷ অধিনায়ক বিৰাট কোহলিৰ নেতৃত্বশৈলীতকৈ ৰোহিত কিছু পৃথক৷ এই মন্তব্য আগবঢ়াইছে টীম ইণ্ডিয়াৰ প্রাক্তন বাঁওহতীয়া বেটছমেন সুৰেশ ৰাইনাই৷
তেওঁ কয় যে ৰোহিতৰ শান্ত–সৌম্য স্বভাৱ আৰু খেলুৱৈক উৎসাহিত কৰিব পৰা দক্ষতা ধোনীৰ সৈতে প্রায় একে৷ ধোনীৰ সৈতে দীর্ঘদিন ধৰি খেলাৰ অভিজ্ঞতা বর্ণনা কৰি তাৰকা বেটছমেনগৰাকীয়ে পুনৰ কয় যে ধোনীয়ে দলৰ আন সদস্যসকলতকৈ সদায় এখোজ আগত চিন্তা কৰে৷