নিয়মীয়া বাৰ্তা, ২৯ মেঃ অনির্দিষ্টকাললৈ স্থগিত হ’ল গোৱাত হ’বলগীয়া ৩৬সংখ্যক ৰাষ্ট্রীয় ক্রীড়া প্রতিযোগিতাখন৷ মহামাৰী ক’ৰোনা ভাইৰাছৰ ভয়াৱহতাৰ বাবেই ৰাষ্ট্রীয় ক্রীড়া প্রতিযোগিতাখন অনির্দিষ্টকাললৈ পিছুৱাই দিবলগীয়া হয় বুলি আজি উল্লেখ কৰে ভাৰতীয় অলিম্পিক সন্থাৰ সভাপতি নৰিন্দৰ বাট্রাই৷ প্রতিযোগিতাখন ২০ অক্টোবৰৰ পৰা ৪ নৱেম্বৰলৈকে অনুষ্ঠিত হোৱাৰ কথা আছিল৷ উল্লেখ্য যে প্রতিযোগিতাখন ২০১৬ৰ নৱেম্বৰত আয়োজন কৰাৰ কথা আছিল যদিও অনিবার্য কাৰণবশতঃ স্থগিত ৰাখিবলগীয়া হয়।