নিয়মীয়া বাৰ্তা ৩০ মেঃ অভয়াপুৰী থানা আৰু উত্তৰ শালমাৰা আৰক্ষী চকীৰ অন্তৰ্গত তুলুঙীয়াত আজি বিয়লি এখন ডিজেল পৰিবাহী টেংকাৰ দুৰ্ঘটনাত পতিত হয়। সৌভাগ্য ক্ৰমে দুৰ্ঘটনাগ্ৰস্থ গাড়ীখনৰ পৰা ডিজেল নিৰ্গত নোহোৱাত এক ভয়ংকৰ পৰিস্থিতিৰ পৰা ৰক্ষা পৰে। প্ৰাপ্ত বাতৰি মতে বঙাইগাঁৱৰ পৰা বিলাসীপাৰা পানবাৰী অভিমুখে ১২ হাজাৰ লিটাৰ ডিজেল কঢ়িয়াই নিয়া এই এছ ২৩ এই চি ২৬৩৭ নম্বৰৰ টেংকাৰখনে তুলুঙীয়া পাওঁতে লুটি খাই পৰে। কিন্তু সৌভাগ্য ক্ৰমে চালক, হেণ্ডিমেন দুয়োজন কথমপি ৰক্ষা পৰে ৷ ঘটনাস্থলীত ইতিমধ্যে আৰক্ষীৰ লগতে অগ্নিনিৰ্বাপক বাহিনীৰ গাড়ী উপস্থিত হৈ পৰিস্থিতি নিয়ন্ত্ৰণৰ চেষ্টা অব্যাহত ৰাখিছে ৷