নিয়মীয়া বাৰ্তা ৭ জুনঃ কামৰূপ জিলাৰ বেজেৰাৰ খেহেনীপাৰা গাঁৱৰ অনন্ত ৰাম দাস আৰু লিলীমা দাসৰ পুত্ৰ মৃন্ময় দাস ৷ বেজেৰা চকত সন্ধিয়া মাছ বিক্ৰী কৰি কোনোমতে পৰিয়াল ভৰণ-পোষণ দিয়ে পিতৃয়ে ৷
বেজেৰা উঃমাঃ বিদ্যালয়ত অধ্যয়নৰত এইগৰাকী দৰিদ্ৰ-মেধা মৃদুল দাসে এইবেলি হাইস্কুল শিক্ষান্ত পৰীক্ষাত আটাইকেইটা বিষয়ত লেটাৰসহ ৮২% নম্বৰ লাভ কৰিবলৈ সক্ষম হয় ৷ বিজ্ঞান শাখাত নামভৰ্তি কৰি জীৱনৰ ভবিষ্যত পৰিকল্পনা কৰা ছাত্ৰগৰাকীৰ সফলতাত সাধাৰণতে উৎফুল্লিত হৈ পৰিছে অঞ্চলবাসী ৷ এই সফলতাৰ বাবে শনিবাৰে গাঁওখনৰ সাহিত্য-সাংস্কৃতিক অনুষ্ঠান “শৈশৱ বিচাৰি”ৰ তৰফৰপৰা ছাত্ৰগৰাকীক সম্বৰ্ধনা জ্ঞাপন কৰা হয় ৷