নিয়মীয়া বাৰ্তা ১৬ জুনঃ দৰঙত অস্ত্র এৰি নাঙলৰ মুঠিত ধৰা আলফালৈ সোমবাৰে ট্ৰেক্টৰ বিতৰণ কৰিলে ৰাজ্যৰ আৰক্ষী সঞ্চালকপ্রধান ভাস্কৰজ্যোতি মহন্তসহ মঙলদৈৰ বিধায়ক আৰু আৰক্ষী উপ–মহাপৰিদর্শক জেনজিৎ সিন্হাসহ উপ–মহাপৰিদর্শক হীৰেন নাথে৷ আৰক্ষীৰ শীর্ষ বিষয়াৰ দলটোৱে পোনতে মহলীয়াপাৰা আৰু পিছলৈ ৰামহৰিত উপস্থিত হৈ আলফাৰ বৃহৎ দলক উৎসাহিত কৰে৷ লক্ষণীয় যে আইন–শৃংখলাৰ পৰা সামান্য আঁতৰি আৰক্ষী সঞ্চালক মহন্তক টেক্টৰচালকৰ ৰূপত প্রত্যক্ষ কৰা হয়৷ মহন্তক সংগ দিলে মঙলদৈৰ বিধায়ক গুৰুজ্যোতি দাস, আই জি পি হীৰেন নাথ আৰু ডি আই জি জেনজিৎ সিন্হাই৷ যুদ্ধিবৰত আলফাৰ সদস্য আৰু তেওঁলোকৰ পৰিয়ালৰ লোকসকলে স্বাৱলম্বী হ’লৈ বিভিন্ন পদক্ষেপ লৈছে৷DAST-R নামেৰে গঠন হোৱা সংগঠনটোৱে দৰং জিলাৰ ৰামহৰি, মহলীয়া পাৰা, চমুৱাপাৰাকে ধৰি বিভিন্ন স্থানত জৈৱিক খেতি কৰি নিজকে স্বাৱলম্বী কৰাৰ চেষ্টা কৰি আছে৷ অসম চৰকাৰৰ গৃহ বিভাগৰ অধীনস্থ স্বাৱলম্বন আঁচনিৰ দ্বাৰা পৰিচালিত হৈ আছে এইDAST-R নামৰ সংস্থাটো৷ সোমবাৰে এই সংস্থাটোৰ ঠাইসমূহ পর্যেবক্ষণ কৰি এটা গৃহ মুকলি কৰাৰ লগতে তিনিখনকৈ ট্ৰেক্টৰ প্রদান কৰে৷