নিয়মীয়া বাৰ্তা ২১ জুনঃ অৰুণাচল প্ৰদেশৰ পূৱ চিয়াং জিলাত দেওবাৰে ক’ৰোনাৰ পৰা মুক্ত হোৱা চাৰিজন লোকক চিকিৎসালয়ৰ পৰা মুকলি কৰা হয় । ক’ৰোনাৰ পৰা মুক্ত হোৱা লোককেইজনৰ ভিতৰত দুজন স্বাস্থ্যকৰ্মীও আছে । ইয়াৰ ফলত পূৱ চিয়াং জিলাত সক্ৰিয় ক’ৰনা আক্ৰান্তৰ সংখ্যা পাঁচজনলৈ হ্ৰাস পায় । দেওবাৰে উত্তৰ পূৱ লোকঔষধী প্ৰতিস্থানৰ প্ৰাঙ্গনত অনুস্থিত এক গাম্ভীৰ্য্যপূৰ্ণ অনুস্থানত ক’ৰোনামুক্ত লোককেইজনক বিদায় সম্ভাষণ জনোৱা হয় ।
উক্ত অনুষ্ঠানত স্থানীয় বিধায়ক কালিং ময়ংগ, জিলা উপায়ুক্ত ডাঃ কিন্নি সিংহ, জিলা স্বাস্থ্য বিষয়া ডাঃ কালিং ডাইৰ লগতে বহুকেইজন বিশিষ্ট ব্যক্তি উপস্থিত থাকে । বিদায়পৰ্বত চাৰিওজন ক’ৰোনামুক্তকে ফুলৰ থোপা আৰু ক’ৰনামুক্তৰ প্ৰমানপত্ৰ যাঁচি হাতচাপৰিৰে বিদায় দিয়া হয় ।