নিয়মীয়া বাৰ্তা ২২ জুুনঃ অসমত এতিয়ালৈকে তিনি লাখ ক’ভিড টেষ্ট সম্পন্ন কৰা হৈছে। আজি অনুষ্ঠিত হোৱা সংবাদ মেলত অসমৰ স্বাস্থ্য মন্ত্ৰী ড০ হিমন্ত বিশ্ব শৰ্মাই কয় যে ১৩ জুনলৈকে অসমত ২ লাখ ক’ভিড টেষ্ট সম্পন্ন হৈছিল আৰু আজি এই টেষ্টৰ সংখ্যা তিনি লাখলৈ বৃদ্ধি পালে। যোৱা ৯ টা দিনতে ১ লাখ টেষ্ট সম্পন্ন কৰা হৈছে আৰু অহা সপ্তাহত আৰু অধিক টেষ্ট সম্পন্ন কৰা হ’ব।
লগতে মন্ত্ৰী গৰাকীয়ে উল্লেখ কৰে যে অসমত ক’ৰোনা ৰোগীৰ সুস্থতাৰ হাৰ ৬৩.৩%, আনহাতে মৃত্যুৰ .১৬% । অসমে দেশৰ বাকী ৰাজ্যৰ তুলনাত সামগ্ৰিকভাৱে উন্নত প্ৰদৰ্শন কৰিছে বুলি উল্লেখ কৰে মন্ত্ৰী গৰাকীয়ে।