নিয়মীয়া বাৰ্তা ২৩ জুনঃ মৰিগাঁও জিলাৰ বিভিন্ন অঞ্চলত শেহতীয়াকৈ জীৱন ধ্বংসকাৰী ড্ৰাগছ ৰ প্ৰচলন বৃদ্ধি পোৱাৰ সমান্তৰাল ভাৱে কঠোৰ হৈছে আৰক্ষী। বিশেষকৈ মিকিৰভেটা আৰক্ষী থানাই এই ক্ষেত্ৰত কেবাটাও সফল অভিযান চলাইছে। মিকিৰভেটা আৰক্ষী থানাৰ ভাৰপ্ৰাপ্ত বিষয়া মৃদুল হাজৰিকা নেতৃত্বত উপ পৰিদৰ্শক কিৰণ দিহিঙীয়া আৰু সহ উপ পৰিদৰ্শক শৰৎ নাথৰ সহযোগত আৰক্ষীৰ অভিযানকাৰী দলে তুমুকাবৰী অঞ্চলৰ তাফাতজোল আহমেদৰ ঘৰত অভিযান চলাই ৪৫ টা হেৰইন কন্টেইনাৰ সহ ৮৩.২৯গ্ৰাম ড্ৰাগছ আৰু নগদ ৫১৮২০ হাজাৰ টকা আৰু এখন মটৰ চাইকেল উদ্ধাৰ কৰিবলৈ সক্ষম হয়। গ্ৰেপ্তাৰ হোৱা দুজনৰ নাম এবাদুল আৰু আব্দুল বাহাৰ। আনহাতে তাফাতজোল পলাতক হৈ আছে ।
উল্লেখ্য মিকিৰভেটা আৰক্ষী থানাৰ ভাৰপ্ৰাপ্ত বিষয়া মৃদুল হাজৰিকাই ড্ৰাগছৰ বিৰুদ্ধে গ্ৰহণ কৰা কঠোৰ প্ৰদক্ষেপ ৰ বাবে স্থানীয় ৰাইজে গভীৰ সন্তুষ্টি ব্যক্ত কৰিছে