নিয়মীয়া বাৰ্তা,২৭ জুনঃ কামৰূপ জিলাৰ ছয়গাঁও ৰাজহ চক্ৰৰ অন্তৰ্গত দগাঁও কটহীৰ লাট গাঁওবুঢ়া সুৰেশ ঠাকুৰীয়াৰ আজি পুৱা প্ৰায় ৮ বজাত পৰলোকপ্ৰাপ্তি ঘটে ৷ মৃত্যুৰ সময়ত তেওঁৰ বয়স হৈছিল ৮৪ বছৰ । উল্লেখ্য যে দীৰ্ঘদিন ধৰি ৰোগত আক্ৰান্ত হৈ থকাৰ অন্তত আজি তেওঁ দগাঁও কালাৰদিয়া গাঁৱৰ নিজ বাস ভৱনত ইহলীলা ত্যাগ কৰে ৷ দীৰ্ঘদিন ধৰি দগাঁও কটহীৰ লাট গাঁওবুঢ়া হিচাপে অতি নিষ্ঠাৰে কাম কৰি অহা সুৰেশ ঠাকুৰীয়াই কালাৰদিয়া গাঁৱৰ বিভিন্ন সামাজিক অনুষ্ঠানতো জড়িত আছিল ৷ আজি তেওঁৰ মৃত্যুত ছয়গাঁও ৰাজহ চক্ৰৰ চক্ৰ বিষয়া ডঃ প্ৰীতিলেখা ডেকাৰ লগতে বিভিন্ন দল সংগঠনে গভীৰ শোঁক প্ৰকাশ কৰিছে ৷ তেওঁ মৃত্যুৰ সময়ত কেইবাগৰাকী পুত্ৰ বোৱাৰী আৰু নাতি নাতিনী সহ বহু আত্মীয় স্ৰজনক এৰি থৈ যায় ৷ গাঁওবুঢ়া সুৰেশ ঠাকুৰীয়াৰ মৃত্যুত সমগ্ৰ অঞ্চলতে শোঁকৰ ছাঁ পৰে ।