নিয়মীয়া বাৰ্তা, ৭ জুলাই : নগাঁও জিলাৰ চামগুৰি সমষ্টিৰ বাজিয়াগাওঁ উন্নয়ন খণ্ডৰ অধীনৰ কুহুমতলি গাওঁ পঞ্চায়তৰ ২০১৯-২০বৰ্ষৰ বিত্তীয় আয়োগৰ অধীনত বৰবালিটুপ অঞ্চলত আজি চিলাৰায় ভৱনৰ আধাৰশিলা স্থাপন কৰা হয় ৷ ৬ লাখ ৪০ হাজাৰ টকাৰে নিৰ্মাণ হব লগা চিলাৰায় ভৱনৰ আধাৰশিলা স্থাপনৰ অনুষ্ঠানটোৰ লগত সংগতি ৰাখি এখন মুকলি সভা অনুষ্ঠিত হোৱাৰ লগতে কোচ-ৰাজবংশীৰ বিভিন্ন নৃত্য প্ৰৰ্দৰ্শিত কৰে ৷
বিশিষ্ট সমাজসেৱক জয়গোবিন্দ বৰ্মনৰ সভাপতিত্ব অনুষ্ঠিত হোৱা মুকলি সভাখনত কুহুমতলি গাওঁ পঞ্চায়তৰ সভানেত্ৰী হৰিদাসী মণ্ডল সচিব দিগন্ত বৰা কোচৰাজবংশী নগাঁও জিলা সমিতিৰ সভাপতি সোকেশ বৰ্মন উপসভাপতি সুচম বৰ্মন সম্পাদকদ্বয় বাচু বৰ্মন আৰু সুভাচ বৰ্মন কোচৰাজবংশী মহিলা সমিতিৰ নগাঁও জিলা সমিতিৰ সভানেত্ৰী দীপালী সিংহ সদস্যা তুলী বৰ্মন কোচৰাজবংশীৰ সন্মীলনীৰ কলিয়াবৰ জিলা সমিতিৰ উপসভাপতি দিনবন্ধু বৰ্মন কোচৰাজবংশীৰ ছাত্ৰ সন্থাৰ উপদেষ্টা গোলাপ ৰায় বিশিষ্ট সমাজকৰ্মী বিপ্লৱ সিংহকে ধৰি বহুকেইজন গন্যমান্য লোক উপস্থিত থাকি ভাষন প্ৰদান কৰে ৷কোচৰাজবংশীৰ নগাঁও জিলা সমিতিৰ সভাপতি সোকেশ বৰ্মনে আতঁ ধৰা অনুষ্ঠানটোত কোচৰাজবংশী ৰাজ্যিক প্ৰাক্তন সভাপতি তথা প্ৰয়াত সুনিল কুমাৰ বৰ্মনৰ পত্নী মীনা দত্ত বৰ্মন উপস্থিত থাকে ৷
কোচৰাজবংশী সন্মিলনীৰ নগাঁও জিলা সমিতিৰ উদ্যোগত আৰু কুহুমতলি গাওঁ পঞ্চায়তৰ সহযোগত অনুষ্ঠিত হোৱা অনুষ্ঠানটোত অঞ্চলৰ শিল্পী সকলে কোচৰাজবংশীৰ নৃত্য পৰিবেশন কৰে ৷