নিয়মীয়া বাৰ্তা, ১৫ জুলাইঃ শদিয়াৰ বিধায়ক বলিন চেতীয়া ক’ভিড ৰোগত আক্ৰান্ত হোৱাৰ পাছতেই তেখেতৰ ব্যক্তিগত সচিব বিদ্যুৎ গগৈৰ দেহতো ক’ভিড পজিটিভ পোৱা গৈছে । স্বাস্থ্যবিভাগৰ সূত্ৰৰ পৰা লাভ কৰা তথ্য অনুসৰি বিধায়কগৰাকীৰ সচিব বিদ্যুৎ গগৈয়ে যোৱা ৬ জুলাইত তিনিচুকীয়াত ছোৱাব দি দুলীয়াজানস্হিত অসম গেছ কোম্পানীৰ গেষ্ট হাউছত কোৱাৰেন্টাইন হৈ আছিল ।
সম্প্ৰতি বিধায়কৰ ব্যক্তিগত সচিবগৰাকী তিনিচুকীয়া চিকিৎসালয়ত চিকিৎসাধীন অৱস্হাত আছে বুলি জানিব পৰা গৈছে ।
আনহাতে ক’ভিড আক্ৰান্ত চি আৰ পি এফৰ জোৱান এন এন মুৰথি যোৱা ৬ জুলাইত তিনিচুকীয়াস্হিত মানৱ কল্যাণ ভৱনত ছোৱাব দি দুলীয়াজান বকুলনীস্হিত চি আৰ পি এফৰ কেম্পত কোৱাৰেন্টাইন হৈ আছিল ।
ইফালে উত্তৰ প্ৰদেশৰ পৰা আহি দুলীয়াজান মহাবিদ্যালয়ৰ আই টি আই হোষ্টেল ক’ভিড কেন্দ্ৰত কোৱাৰেন্টাইন হৈ থকা ডিব্ৰুগড়ৰ শ্বাহিদ বৰ্ষিৰ দেহতো ক’ভিড পজিটিভ ধৰা পৰিছে ।