নিয়মীয়া বাৰ্তা, ১৫ আগষ্টঃ মৰিগাঁও জিলাৰ মায়ং উন্নয়ন খণ্ডৰ অন্তৰ্গত দেওশাল গাঁও পঞ্চায়তৰ সচিব আমচৈৰ টঙ্কেশ্বৰ কলিতা মৰিগাঁও জিলাৰ ভিতৰত শ্ৰেষ্ঠ কভিড-১৯ যোদ্ধা হিচাপে পৰিগণিত হৈছে। মৰিগাঁৱৰ ক্ষীৰোদ বৰুৱা খেলপথাৰত ৭৪সংখ্যক স্বাধীনতা দিৱসৰ পতাকা উত্তোলন অনুষ্ঠানত অসম চৰকাৰৰ পঞ্চায়ত আৰু গ্রামোন্নয়ন বিভাগৰ হৈ মৰিগাঁও জিলা প্ৰশাসনে ঘোষণা কৰে। জানিব পৰা মতে জিলা প্ৰশাসনে ইয়াৰ বাবে টঙ্কেশ্বৰ কলিতাক আনুষ্ঠানিক ভাৱে পুৰস্কাৰ প্ৰদান কৰিব। আমচৈ অঞ্চলৰ যুৱক তথা মৰিগাঁও জিলাৰ দেওশাল গাঁও পঞ্চায়তৰ সচিব টঙ্কেশ্বৰ কলিতাৰ এই সফলতাই সকলো আমচৈবাসীক উৎফুল্লিত কৰি তুলিছে।