নিয়মীয়া বাৰ্তা, ২০ আগষ্টঃ ডিব্ৰুগড় জিলাৰ চাবুৱাস্থিত জিলা শিক্ষা আৰু প্ৰশিক্ষণ প্ৰতিষ্ঠানে (ডায়েট) আয়োজন কৰা ‘ভাৰতৰ স্বাধীনতা সংগ্ৰাম’ বিষয়ক অনলাইন ছবি অঁকা প্ৰতিযোগিতাৰ ফলাফল অলপতে ঘোষণা কৰা হয়। ঘোষিত ফলাফল অনুযায়ী প্ৰথম স্থান লাভ কৰে চিনামাৰা মহাবিদ্যালয়ৰ প্ৰশান্ত কুৰ্মীয়ে ।
ক্ৰমে শিৱসাগৰ মহাবিদ্যালয়ৰ স্বপ্নিল দুৱৰাই দ্বিতীয় আৰু জিলা শিক্ষা আৰু প্ৰশিক্ষণ প্ৰতিষ্ঠান, ডিব্ৰুগড়ৰ জাহ্নৱী ৰাজখোৱাই তৃতীয় স্থান লাভ কৰিবলৈ সক্ষম হয়। সাম্প্ৰতিক পৰিস্থিতিৰ ওপৰত লক্ষ্য ৰাখি প্ৰতিষ্ঠানটোৰ কৰ্তৃপক্ষৰ সিদ্ধান্ত অনুযায়ী অহা ৫ ছেপ্তেম্বৰৰ শিক্ষক দিৱসৰ দিনা পুৰস্কাৰ সমূহ বিতৰণ কৰা হ’ব বুলি জানিবলৈ দিছে আয়োজক সমিতিয়ে ।