নিয়মীয়া বাৰ্তা, ২০ আগষ্টঃ ডিব্ৰুগড় জিলা মইনা পাৰিজাতৰ উদ্যোগত মানসিক উৎকৰ্ষ সাধনৰ উদ্দেশ্যে ভাৰ্চুৱেল মঞ্চৰ যোগেদি জিলাখনৰ চেমনীয়া সকলৰ মাজত বাতৰি সংগ্ৰহ আৰু লিখা প্ৰতিযোগিতা অনুষ্ঠিত হয় । এই প্ৰতিযোগিতাত জিলাখনৰ প্ৰায় ৫০ গৰাকী প্ৰতিযোগীয়ে অংশগ্ৰহণ কৰে।
যোৱা ১৮ আগষ্টত প্ৰতিযোগিতাৰ ফলাফল ঘোষণা অনুসৰি প্ৰথম স্থান লাভ কৰিবলৈ সক্ষম হয় নামৰূপ মইনা পাৰিজাতৰ অন্তৰীক্ষা চেতিয়াই । ক্ৰমে দ্বিতীয় আৰু তৃতীয় স্হান লাভ কৰে ডিব্ৰুগড় মইনা পাৰিজাতৰ হষিৰ্তা চক্ৰৱৰ্ত্ৰী আৰু ৰাজগড় মইনা পাৰিজাতৰ সংগীতা কোঁচে ।