নিয়মীয়া বাৰ্তা, ২২ আগষ্টঃ প্রাক্তন কেন্দ্রীয় বিত্ত সচিব ৰাজীৱ কুমাৰক আজি নির্বাচন আয়ুক্ত হিচাপে নিযুক্তি দিয়া হৈছে৷ ৰাষ্ট্রপতি ৰাম নাথ কোৱিন্দে প্রাক্তন বিত্ত সচিবজনক নতুন নির্বাচন আয়ুক্ত হিচাপে নিযুক্তি প্রদান কৰে৷
অহা ৩১ আগষ্টত বর্তমানৰ নির্বাচন আয়ুক্ত অশোক লাভাছাই দায়িত্ব এৰাৰ পিছতে কুমাৰে দায়িত্ব গ্রহণ কৰিব৷ বর্তমানৰ নির্বাচন আয়ুক্ত লাভাছাই এছিয়ান ডেভেলপমেণ্ট বেংকৰ উপাধ্যক্ষ হিচাপে নিযুক্তি লাভ কৰাৰ পিছতে তেওঁ এই পদ ত্যাগ কৰিছিল৷ ইতিমধ্যে তেওঁৰ পদত্যাগ–পত্র ৰাষ্ট্রপতিয়ে গ্রহণ কৰিছে৷ উল্লেখ্য যে নতুন নির্বাচন আয়ুক্ত ৰাজীৱ কুমাৰ ১৯৮৪ চনৰ আইএএছ বিষয়া৷