নিয়মীয়া বাৰ্তা, ২০ ছেপ্তেম্বৰঃ লখিমপুৰ জিলাৰ ঘিলামৰা ৰাজ্যিক গড়কাপ্তানি (পথ সংমণ্ডলৰ) অন্তগত সোণাৰি চাপৰি কেকুঁৰি পমুৱা নয়াবজাৰ গড়কাপ্তানি পথটো আজি পুনৰ নিৰ্মাণৰ আধাৰশিলা স্থাপন কৰে ৰাজ্যৰ পঞ্চায়ত ও গ্ৰামোন্নয়ন মন্ত্ৰী নব কুমাৰ দলেই ৷
১৯৯৮ চনৰ বিধ্বংসী বানত বিধস্ত হোৱা মাজুলী সংযোগী পথটো পৰৱৰ্তী সময়ত কিছু মেৰামতি কৰা হৈছিল যদিও যাতায়তৰ ব্যৱস্থা সুচল নহয় ৷ ফলত ব্হত্বৰ কেকুঁৰি পমুৱা নয়াবজাৰ মাজুলী অঞ্চলৰ জনসাধাৰণে যাতায়তৰ ক্ষেত্ৰত ভোগ কৰি অহা সমস্যা প্ৰতি লক্ষ্য ৰাখি ৰাজ্যিক স্ব উন্নয়ণ প্ৰাধাান্য আচঁনিৰ অধীনত ৩ কোটি ৩৫ লাখ টকাৰ ব্যয় সাপেক্ষে চিচি ব্লকেৰে নিৰ্মাণ কৰিব লগা ৪.৫ কিলোমিটাৰ দৈঘ্যৰ পথটো নিৰ্মাণৰ শুভাৰম্ভ কৰে ৷
আজি বিয়লি ৫ বজাত সোণাৰি চাপৰি চাৰিআলিত পথ নিৰ্মাণৰ শুভাৰম্ভ কৰি মন্ত্ৰী গৰাকীয়ে পথ নিৰ্মাণৰ ক্ষেত্ৰত সকলো পক্ষকে গঠনমূলক পৰামৰ্শৰে পথ নিৰ্মাণত সহযোগ কৰিবলৈ আহ্বান জনাই ৷ সভাত গড়কাপ্তানি বিভাগৰ বিষয়া কৰ্মচাৰীৰ . জিলা পৰিষদৰ সভানেত্ৰী, গাওঁ পঞ্চায়ত আঞ্চলিক পৰিষদৰ বিষয়ববীয়াৰ লগতে শতাধিক দলীয় নেতা কৰ্মীও উপস্থিত থাকে।