নিয়মীয়া বাৰ্তা, ৫ অক্টোবৰঃ ৰাজস্থান ৰয়েলছৰ তাৰকা অলৰাউণ্ডাৰ বেন ষ্ট’কছক অহা ১১ অক্টোবৰত পুনৰ খেলপথাৰত দেখিবলৈ পোৱাৰ সম্ভাৱনা আছে৷ ৰাজস্থান ৰয়েলছৰ এক সূত্রই আজি সদৰী কৰা অনুসৰি ইংলেণ্ডৰ বিশ্বকাপ বিজয়ী অলৰাউণ্ডাৰগৰাকীয়ে ডুবাইত উপস্থিত হৈ ইতিমধ্যে কোৱাৰেণ্টাইন প্রক্রিয়া আৰম্ভ কৰিছে৷ ৬ দিনৰ কোৱাৰেণ্টাইনৰ সময়ছোৱাত তেওঁ তিনিটা ক’ভিড টেষ্টৰ সন্মুখীন হ’ব৷ ইয়াৰে প্রথমটো টেষ্ট আজি সম্পন্ন হৈছে৷ পৰিকল্পনা অনুসৰি সকলো ঠিকে–ঠাকে থাকিলে ষ্ট’কছে অহা ১১ অক্টোবৰত ছানৰাইজার্ছৰ বিৰুদ্ধে খেলিবলগীয়া মেচখনত ৰাজস্থান ৰয়েলছৰ বিৰুদ্ধে খেলপথাৰত নামিব পাৰিব বুলি দলটোৱে আশা ব্যক্ত কৰিছে৷
ইয়াৰ পূর্বে দলটো ৯ অক্টোবৰত দিল্লী কেপিটেলছৰ মুখামুখি হ’ব যদিও সেইদিনা তেওঁ খেলাৰ কোনো সম্ভাৱনা নাই৷ কিয়নো, কোৱাৰেণ্টাইন প্রক্রিয়া সমাপ্ত কৰি ষ্ট’কছে ১০ অক্টোবৰত ৰাজস্থান ৰয়েলছৰ শিবিৰত যোগ দিব৷ মন কৰিবলগীয়া যে অসুস্থ পিতৃক সংগ দিবলৈ তাৰকাগৰাকীয়ে আগষ্ট মাহতে নিউজিলেণ্ডলৈ ৰাওনা হৈছিল৷