নিয়মীয়া বাৰ্তা ১৬ অক্টোবৰঃ জোনাইত মিচিংসকলৰ জাতীয় ছাত্ৰ সংগঠন তাকাম মিচিং পৰিণ কেবাং চমুকৈ টি এম পে কেৰ ৪৯ সংখ্যক প্ৰতিষ্ঠা দিৱস আজি দিনজোৰা কাৰ্যসূচীৰে জোনাই মহকুমাৰ প্ৰতিটো মিচিং গাঁৱত পালন কৰা হয়|
টি এম এম পি কেৰ গাওঁ সমিতি সমূহৰ উদ্যোগত কৰোণা প্ৰটকল মানি টিএম পো কেৰ প্ৰতিষ্ঠা দিৱস উদযাপন কৰা হয়। টি এম এম পি কেৰ জোনাই জিলা সমিতিৰ অন্তৰ্গত কেমি জেলম, চিলে , জোনাই টাউন, আ:নৌ বিল্লাম , টাৰি ৰ:দং জনাই আ:নৌ বিল্লাম , দেবৃং দে:তাগ, চিগা, গালি, লাইমেকুৰী, ৰামধন ডিখাৰী, তেলাম, ডেকাপাম, অৱাং জনাই, চমকং আদি কৰি ১৫ খন আঞ্চলিক সমিতিৰ অন্তৰ্গত অইৰামঘাট, কেমি, পুৰণা-জেলম, চিৰুং, লেকু-জেলম, ৰিগবি , তৰাজান, বাহিৰ চিলে, বাহিৰ জোনাই, মহমৰা, ৰতকে, ললাদ, অমৃতপুৰ, লাইমেকুৰী, উজনি বিজয়পুৰ, নামনি বিজয়পুৰ, জোনকাৰেং, বৈকুণ্ঠপুৰ, গালী আদি কৰি জোনাই মহকুমাৰ প্ৰায় ২৮০ খন গাঁৱত ৪৯ সংখ্যক টি এম পি কেৰ প্ৰতিষ্ঠা দিৱসটি পালন কৰা হয় ৷
চিমেন চাপৰিৰ বিভিন্ন স্থানত ক্ৰীড়া, সাংস্কৃতিক আদি বিভিন্ন কাৰ্যসূচীৰে টিএমপিকেৰ ৪৯ সংখ্যক প্ৰতিষ্ঠা দিৱস উদযাপন কৰা হয়। টিএমপিকেৰ চমকঙ পাগৰ’ দঃলুং সমিতিৰ উদ্যোগত আজি চমকঙ আঞ্চলিক টিএমপিকেৰ মুখ্য কাৰ্যালয়ত উদযাপন কৰা হয় টিএমপিকেৰ ৪৯ সংখ্যক প্ৰতিষ্ঠা দিৱস। প্ৰতিষ্ঠা দিৱসৰ পুৱা ৮-৩০ বজাত পতাকা উত্তোলন কৰে উদযাপন সমিতিৰ সভাপতি ভূৱন দলেই। ইয়াৰ পাছতে পুৱা ৯ বজাত শ্বহীদ তৰ্পণ কাৰ্যসূচীৰ মুকলি কৰে চমকঙ আঞ্চলিক এমএমকেৰ প্ৰাক্তন সভানেত্ৰী পঞ্চৱতী দলে পেগুয়ে।