নিয়মীয়া বাৰ্তা, ২ নৱেম্বৰঃ তিতাবৰ মহকুমাৰ মাধপুৰ গাঁও পঞ্চায়তৰ প্ৰেক্ষাগৃহত কালি তিতাবৰ জিলা চুতীয়া যুৱ সন্মিলনৰ সপ্তম দ্বি-বাৰ্ষিক অধিবেশন তথা প্ৰতিনিধি সভা অনুষ্ঠিত হয়। সেয়ে পুৱা তিতাবৰ জিলা চুতীয়া যুৱ সন্মিলনৰ সভাপতি ধৰণীধৰ শইকীয়াই পতাকা উত্তোলন আৰু কেন্দ্ৰীয় সমিতিৰ উপ-সভাপতি গোপাল বৰাই সতী সাধনীৰ প্ৰতিচ্ছবিত বন্তি প্ৰজ্বলন কৰি কাৰ্যসূচী শুভাৰম্ভ কৰে।
ইয়াৰ পিছতে ধৰণীধৰ শইকীয়াৰ সভাপতিত্বত অনুষ্ঠিত প্ৰতিনিধি সভাৰ উদ্বোধনী ভাষণ প্ৰদান কৰে চুতীয়া জাতি কেন্দ্ৰীয় সমিতিৰ উপ-সভাপতি ড° বুদ্ধিন্দ্ৰ নাথ শইকীয়াই। আদৰণী ভাষণ আগবঢ়ায় কেন্দ্ৰীয় যুৱ সন্মিলনৰ সহঃ সম্পাদক পলাশ হাজৰিকাই। তিতাবৰ জিলা যুৱ সন্মিলনৰ সহকাৰী সম্পাদক ৰাজু বৰুৱাই উদেশ্যে ব্যাখ্যা কৰা সভাত কেন্দ্ৰীয় যুৱ সন্মিলনীৰ সভাপতি বিতোপন শইকীয়া, সম্পাদক যতীন পাঠক, কেন্দ্ৰীয় মহিলা সমিতিৰ সভানেত্ৰী জয়া বৰা, যোৰহাট জিলা চুতীয়া ছাত্ৰ সন্থাৰ সভাপতি জীৱন চুতীয়া আদি উপস্থিত থাকি ভাষণ প্ৰদান কৰে।
সভাত তিতাবৰ জিলা চুতীয়া যুৱ সন্মিলন নতুন সমিতিখনৰ বাবে পুনৰ সভাপতি পদত ধৰণীধৰ শইকীয়া, যুটীয়া সম্পাদক ক্ৰমে ৰাজু বৰুৱা, মানস শইকীয়া, মুখ্য সাংগঠনিক সম্পাদক হিচাপে যদুমণি চুতীয়াক লৈ বিভিন্ন বিভাগৰ বিষয়ববীয়া নিৰ্বাচিত কৰে।