নিয়মীয়া বাৰ্তা ১২ নৱেম্বৰঃ ফাইজাৰ ইংক আৰু বায়’ এনটেক এছ ইৰ ক’ভিড–১৯ ভেকচিন উৎপাদনৰ প্রস্তুতি চলি থকাৰ সময়তে ভাৰতৰ দৰে দেশে এই ভেকচিন ক্রয় কৰিব পৰাটো অসম্ভৱ হিচাপে চিহ্ণিত হৈছে৷ উল্লেখনীয় যে এই ভেকচিনবোৰ ৰাখিব লাগিব মাইনাছ ৭০ ডিগ্রী ছেলচিয়াছ উষ্ণতাৰ কেন্দ্রত৷ ৫ দিনৰ ভিতৰতে এই ভেকচিন প্রদান কৰিব লাগিব৷ যদি সেয়া সম্ভৱ নহয়, তেন্তে ভেকচিনৰ ম্যাদ উকলিব৷ ভাৰতৰ দৰে দেশে সাধাৰণ লোকৰ বাবে এই ভেকচিন ক্রয় কৰাটো সেইবাবে সম্ভৱ নহ’ব৷ অর্থাৎ ফাইজাৰ কোম্পানীৰ ভেকচিন অতি ধনী দেশৰ বাবেহে উপলব্ধ হ’ব৷