তেজপুৰস্থিত লোকপ্রিয় গোপীনাথ বৰদলৈ আঞ্চলিক মানসিক স্বাস্থ্য প্রতিষ্ঠানত খালী হৈছে কেইবাটাও পদ৷ যোগ্য ভাৰতীয় প্রার্থীৰ পৰা আবেদন আহ্বান কৰি স্বাস্থ্য প্রতিষ্ঠানটোৰ সঞ্চালকে এক বিস্তৃত নিয়োগ বিজ্ঞাপন প্রকাশ কৰিছে৷ প্রকাশিত বিজ্ঞাপনৰ তথ্য অনুসৰি খালী পদকেইটাৰ ভিতৰত আছে– প্রজেক্ট ইঞ্জিনীয়াৰ, চিফ এডমিনিষ্ট্রেটিভ অফিচাৰ, একাউণ্টছ অফিচাৰ, এছিছটেণ্ট একাউণ্টছ অফিচাৰ, এছিছটেণ্ট এডমিনিষ্ট্রেটিভ অফিচাৰ আৰু লণ্ড্রী ছুপাৰভাইজৰ কাম বয়লাৰ এটেনডেণ্ট৷ প্রতিটো বিভাগতে একোটাকৈ পদ আছে৷ আবেদনকাৰীৰ বয়স সর্বোচ্চ ৫৬ বছৰ৷ আগ্রহীসকলে নিযুক্তি সম্পর্কীয় সবিশেষ তথ্যৰ লগতে পদৰ বাবে থাকিবলগীয়া শৈক্ষিক অর্হতা, অভিজ্ঞতা, বয়স, পদৰ সংৰক্ষণ, নিযুক্তি প্রক্রিয়া তথা প্র–পত্র ডাউনলোড কৰিবলৈ ৱেবছাইটwww.lgbrimh.gov.in চাব পাৰে৷ প্রার্থীসকলে যাৱতীয় নথি–পত্রৰ প্রতিলিপিসহ আবেদন ১৩ ডিচেম্বৰ ২০১৯ বা তাৰ পূর্বে পোৱাকৈ’Director, LGBRIMH, Tezpur and Administrative Officer, LGBRIMH, Tezpur-784001, Assam’ ঠিকনালৈ প্রেৰণ কৰিব লাগিব৷