নিয়মীয়া বাৰ্তা ১৪ ডিচেম্বৰঃ পুৱাই আজি মাৰ্ঘেৰিটাৰ লিডু আৰক্ষী চকিৰ অন্তৰ্গত ঝৰ্ণা বস্তীত সংঘটিত হয় এক ভয়ংকৰ অগ্নিকাণ্ড। এই অগ্নিকাণ্ডৰ ফলত ৰতন মিত্ৰ নামৰ লোকজনৰ এটা বাসগৃহ সম্পূৰ্ণ জুইত জাহ যায়।
ক্ষয়ক্ষতিৰ পৰিমাণ প্ৰায় ৩ লক্ষাধিক মান হ’ব বুলি অনুমান কৰা হৈছে। আনহাতে জুই লগাৰ কাৰণ জানিব পৰা হোৱা নাই যদিও শ্বৰ্ট চাৰ্কিটৰ পৰাই অগ্নিকাণ্ড সংঘটিত হোৱা বুলি সন্দেহ কৰা হৈছে ।
অন্যহাতে অগ্নিকাণ্ডৰ সময়ত বাসগৃহৰ ৰান্ধিনি শালত থকা চিলিণ্ডাৰো বিস্ফোৰণ হয়। অগ্নিকাণ্ড সংঘটিত হোৱাৰ পাছতেই স্থানীয় ৰাইজে অগ্নিনিৰ্বাপক বাহিনীক খবৰ দিছিল যদিও অগ্নিনিৰ্বাপক বাহিনীৰ গাড়ী আহি পোৱাৰ পূৰ্বেই বাসগৃহটো জুইত সম্পূৰ্ণ জাহ যায়।